ҚР ҰҚК Шекара қызметі әлеуметтік желі арқылы «Ең белсенді оқырман» атауымен байқау жариялаған болатын. Аталмыш шараға кітапты сүйіп оқитын және өзі де шығармашылыққа жақын оқырмандар бел шеше қатысты
Қорытындысында тілге жүйрік, кітап оқуды әдетке айналдырған оқырмандардың бірі қостанайлық Айна Ибраева жүлделі ІІ орынның иегері атанды.
Ол: Инстаграмм әлеуметтік желісіндегі шекарашылардың парақшасында жарияланған ақпараттардың барлығын үнемі оқып тұрамын. Мен үшін шекарашылардың қызметі өте қызықты. Байқаудың жарияланғанын оқыған кезде, қатысуға бірден шешім қабылдадым. Бес досымды белгілеп, өзімнің парақшама шекарашылардың қырағы қызметі туралы жазылған туындыларым жөнінде ойымды жаздым.
Сырбай Мәуленовтің “Шекарашылардың иті туралы баллада” туралы шығармасына шағын пікірімді жаздым. Ағамыздың жазған балладасы жүректен жүрекке жететіні рас. Бұл үзіндінің басты көрінісіне «Шекарашының итіне деген махаббаты» деп ат қойсақ та болады. Шекарашы сарбаздың итіне деген аяушылық сезімі, қиын қыстау кезіне қимауы және де итінің де дәл солай иесіне деген адал қызметі бір жағынан достықтың да мағынасын беріп тұрғандай. Шекарашының жауынгерлік қызметі төрт аяқты адал досы – итімен бірге жүзеге асады… Кенеттен сарбазды шекара шебін бұзушылар аяғын жаралап қамауға алады. Сондағы итінің иесін қимастықпен күткен сәті терең мағына беріп достықтың сиволын көрсеткені деп есептеймін.
Фатима Шыңғысованың “Қайсар рухты қырандар” атты кітабы 2005 жылы басып шығарылған болатын. Кітап: «Екі баламнан айырылдым және де олардың өлімі маған оңай тиген жоқ», – деген Фатима апамыздың сөзімен басталады. Ана қайғысы бәріне түсінікті деп ойлаймын. Иә, бұл кітап Фатима апамыздың екі қайсар баласы туралы еді. Менің ойымша, мұндай кітап өсіп келе жатқан өскелең ұрпақтың бойына патриоттық сезім қалыптастыру мақсатында үлкен рөл атқаратыны сөзсіз.
Департаменттің бас тәрбиешісі подполковник Дарын Кекілов Айна Ибраеваға Қостанай облысы бойынша Департаментінің жеке құрамы атынан шығармашылық табыстар тіледі. Жүлдесімен шын жүректен құқттықтап, Айна Ибраеваны келешекте тек оқырмандарымыздың қатарынан көріп қана қоймай, шекарашылардың өмірі туралы туынды жазатын авторлардың да қатарын көбейтетініне сенімнің мол екенін жеткізді.
Манарбек Қарекенов,
ҚР ҰҚК ШҚ Қостанай облысы бойынша Департаменті, майор
Знаниями блеснули ученики Майкольской общеобразовательной школы и школы имени Павлова (далее…)
В Костанайском районе состоялась совместная встреча с лицами, находящимися на учёте службы пробации. (далее…)
В Послании Президента было подчеркнуто, что в этой сфере сегодня важны не только темпы, но…
Свою эрудицию показали ученики школ им. Павлова и им. Кадыра Каримова. День языков в Казахстане…
Ученики, интересующиеся современной литературой, творчеством и поэзией, смогли задать вопросы и вместе с гостями почитать…
Кроме того, сотрудник палаты предпринимателей «Атамекен» рассказал, можно ли лицам, находящимся на пробации, открыть ИП…
This website uses cookies.